أحمد موسى يوجه رسالة مهمة للأهلي والزمالك: لو عملتوها بكرة شوفوا هعمل إيه السبت

قال الإعلامي أحمد موسى، إنه سيتم إقامة نهائي كأس مصر مساء غد الخميس بين الأهلي والزمالك نسخة عام 2021: «النهائي اتنسى حد فاكر عام 2021.. افتكروا دلوقتي النهائي.. خلاص مش مهم».

وانتقد موسى خلال برنامج «على مسؤوليتي» المذاع على قناة صدى البلد، اليوم الأربعاء، أداء فريقي الأهلي والزمالك الفترة الأخيرة: «مش بيلعبوا كويس.. وأنا عايز الأهلي يكسب»، مضيفا: «أداء الأهلي والزمالك وحش من الآخر».

وتابع: عادة نتائج هذه المباريات غير متوقعة لكن الزمالك لم يفز على الأهلي في آخر 4 مباريات، مؤكدا: «الناس بكرة عايزين يشوفوا كرة بين أهم فريقين بأفريقيا».

طالب بعدم التعصب والاحتكاكات بين الجمهورين خلال المباراة: «بلاش تعصب اللي يفوز نقوله مبروك»، مضيفا: طبيعي لو فاز الأهلي هحتفل ولو فاز الزمالك هقوله مبروك خدوها مني كلمة.

وناشد إدارتي الأهلي والزمالك بتقديم رسالة جيدة غدا الخميس «روحوا لجمهور الأهلي والزمالك وأنتم ماسكين إيديكم في بعض.. لو عملتوها بكرة شوفوا هعمل إيه يوم السبت».