شوبير يفجرها : تاو لا يريد اللعب لجنوب أفريقيا لهذا السبب

كشف الإعلامي أحمد شوبير عن التفاصيل الجديدة وراء استبعاد بيرسي تاو جناح الفريق الأول لكرة القدم بالنادي الأهلي من منتخب جنوب أفريقيا في فترة التوقف الحالي.

وقال شوبير في تصريحات إذاعية "مدرب منتخب جنوب أفريقيا أعلن استبعاد بيرسى تاو وواضح إن فيه كلام فى القصة دى، المدرب غاضب من بيرسى تاو، واللاعب بصراحة مش عايز يلعب مع منتخب بلاده".

وأضاف "قبل مباراة المريخ انتشر كلام عن إصابة بيرسى تاو محدش كان فاهم السبب، وشارك اللاعب وسجل هدفا وخرج من المباراة وطبيب الأهلى قال إن اللاعب بيعانى من كدمة فى الركبة وعملوا أشعة ليثبت الفحص المبدئى باليد أن اللاعب ماعندهوش حاجة، والأشعة أظهرت حاجته لفترة علاج طبيعى أسبوع أو عشرة أيام ويرجع بعدها طبيعى وهى مدة الإجازة التى حصل عليها لاعبى الأهلى"

وأشار "المشكلة بقى فى تصريحات هوجو بروس لما استبعد بيرسى تاو وخرج يقول إنه محتاج لفترة ستة أشهر عشان يرجع لمستواه لأن صحته أهم، بيرسى تاو قبل ما ينضم للأهلى كان رقم واحد فى المنتخب ودلوقتى المدرب طالع يتهمه أن مستواه تراجع فعلا أمر غريب".