" كفاية مبررات " .. شوبير يفتح النار على موسيماني

شن الإعلامي أحمد شوبير نجم النادي الأهلي ومنتخب مصر السابق هجوماً قوياً على لاعبو المارد الأحمر والمدير الفني الجنوب أفريقي بيتسو موسيماني بعد الخسارة أمام نادي صن دوانز في دوري أبطال أفريقيا.

وقال شوبير في تصريحات إذاعية صباح اليوم الأحد :" الأهلى لازم يحصل فيه وقفة، لازم نسأل هل فيه أخطاء فى تشكيل مباراة أمس، هل فى تأخير فى إجراء التغييرات ، لو فضلنا نقول الارهاق يبقى نركز على بطولة واحدة وبس ونفضنا من الليلة دى ، عندك ارهاق اعمل روتيشن وبعدين كل فرق العالم بتعانى الارهاق الوداد لاعب من ثلاثة أيام فى الدوري وفاز على الزمالك".

وأضاف " مش عايز اتكلم فنياً عن مباراة الأهلى عشان محستش نفسى مبسوط وانا بتفرج ، بس خلينا نقول لسه الفرصة قائمة فاضل 4 مباريات لو كسبنا 3 هنعدى ، بس اقدر اقول لموسيمانى لو رجعت بنقطة من جنوب افريقيا امام صن دوانز يبقى كويس ولو كسبت بقى دى حاجة ثانية بس السؤال هل نقدر نكسب صن دوانز فى جنوب افريقيا مجرد سؤال ، بردو مضايق من الناس اللى تقولك الاهلى لعب حلو بس خسر ، حلو فين معلش ومطمننين ازاى كدا".

وأشار" عارف ان الاهلى ممكن يطلع تانى من المجموعة دى ولما بيطلع تانى بياخد البطولة بس بردو لازم نقف ونعرف اسباب الخسارة ، وعندنا ماتش صعب فى الدوري مع فاركو ولازم اللاعيبة تتمرن على الاقل مرتين قبل الماتش واللاعيبة اللى ملعبتش امام صن دوانز لازم تتمرن هفضل اقول كدا رغم ان الناس زعلت منى كلامى بس مش هغيره".

يذكر أن الفريق الكروي الأول بالأهلي قد خسر هدف نظيف أمام صن داونز، في المباراة التي أقيمت مساء أمس السبت على استاد القاهرة، ضمن منافسات الجولة الثالثة من دور المجموعات لدوري أبطال إفريقيا.

بهذه النتيجة يتجمد رصيد الأهلي عند نقطة واحدة، ويرتفع رصيد صن داونز للنقطة 7، في حين تم تأجيل مباراة الجولة الأولى للأهلي أمام المريخ السوداني إلى يوم 5 مارس المقبل.