شوبير عن منتقدي محمد صلاح: " ماعندهاش ريحة الدم"

حرص الإعلامي أحمد شوبير أيقونة النادي الأهلي السابق، على الدفاع عن الفرعون المصري محمد صلاح نجم نادي ليفربول الإنجليزي، عقب الانتقادات التي وجهت من بعض رواد الشوشيال ميديا للفرعون خلال مشاركته في البطولة الإفريقية التي تقام حاليا في الكاميرون.

وقال أحمد شوبير في تصريحات تلفزيونية: " الناس اللي بتقول محمد صلاح مش بيلعب بشكل كويس داخل الملعب طيب لو صلاح نجح في تأهل مصر أمام كوت ديفوار الناس دي هما اللي هيقولوا شوفوا مش قلنا يستمر في الملعب وميطلعش".
وأضاف: "الناس دي هتلاقيهم ماعندهاش ريحة الدم عادي جدا، المفروض يقولوا إنه مكنش كويس إنه متحركش كويس إنه مساعدش فريقه إنه لابد أن يكون أقوى من كده".
واختتم : "وقول اللي أنت عايزه فيه، لكن دي حملة من الحقد من الكراهية من الغيرة مفيش يعني حاجة عجيبة ناس بعيدة عن الملعب وعن التدريب ومالهاش علاقة يعني نهائي بأي شيء".