شوبير يكشف تفاصيل جديدة حول رحيل كهربا إلى الدوري التركي

كشف الإعلامي أحمد شوبير نجم النادي الأهلي ومنتخب مصر السابق عن تفاصيل جديدة في رحيل الدولي محمود عبد المنعم كهربا جناح الفريق الأول لكرة القدم بالقلعة الحمراء خلال فترة الانتقالات الشتوية الجارية إلى نادي هاتاي التركي.

وقال شوبير في تصريحات إذاعية "خلال 48 ساعة أو 72 ساعة على أقصى تقدير سوف يعلن الأهلى إعارة كهربا لنادى هاتاى التركى لمدة ستة أشهر".

وأضاف: "اعتبروا الصفقة انتهت، كهربا راح لإدارة الأهلى وطلب الخروج للإعارة وقالهم أنا حابب أكمل فى الأهلى بس مفيش فرصة ألعب وأنا عايز أرجع المنتخب وأشارك فى كأس العالم وموسيمانى واخد موقف منى بدون مبرر حتى لو الموقف ده فنى، قالوا له ماشى إحنا موافقين تمشى".

وواصل "اللى موقف الصفقة حالياً إن النادى التركى عايز يحط شرط نية البيع فى العقد وكهربا رافض الشرط ده، وكهربا مصمم على الرحيل وقال لمسئولى الأهلى هتشوفوا هعمل إيه وهتطلبوا ترجعونى تانى".

واكمل "الأهلى هيحصل على 500 ألف دولار لإعارة كهربا للدوري التركى و3 ملايين دولار فى حالة وضع شرط بيع اللاعب".

وانهى "نصيحتى لكهربا ياخد الموضوع تحدى ويسافر ويشارك ويلعب ويرجع أقوى من الأول ويأكد أنه يستحق العودة للأهلى".