رسالة نارية من أحمد الطيب إلى ميدو

وجه المعلق الرياضي أحمد الطيب، رسالة نارية إلى أحمد حسام "ميدو"، نجم نادي الزمالة السابق، وذلك بعد هجومه على أحمد حسن «كوكا»، مهاجم فريق كونيا سبور التركي.

وكتب أحمد الطيب، عبر صفحته الشخصية على موقع التواصل الاجتماعي "فيس بوك" :"انا زعلان من (ميدو ) جداً، لإنه هو نفسه مش عارف قدره و عظمة التاريخ الجميل اللى صنعه و رصيد الحب اللى له ليس فى مصر فقط ولكن فى الوطن العربى..وأد إيه هو قدوة و رمز لكتير من اللاعبين فى مصر وخارجها، علشان كده ما ينفعش ينتقد لاعب (كوكا) بهذا الشكل و الأسلوب مهما كانت الأسباب".

وأضاف:"خسارة يا ميدو، تخسر حب واقتناع ناس بتحبك و أنت بالنسبة لهم قدوة و رمز جميل..ولو لك تحفّظ أو وجهة نظر يبقى ممكن تكلمه تليفونيّاً أو تتواصل معاه و تقوله اللى عايز تقوله، انت قيمة كبيرة بنسعد بيها خسارة تخسر حب أنت تعبت فى انك توجده، (كوكا) أخ أصغر لك. و(نحت) فى الصخر و يحتاج لمن يشجعه و يشكره و يدفعه للأمام كمان وكمان..تقدر تكلمه و تقوله وجهة نظرك و كلنا قبل كوكا ها يزداد حبنا وتقديرنا ليك".

يذكر أن ميدو، قد وصف كوكا بأنه مهاجم متواضع لا يصلح للمستوى الدولي، بغض النظر عن الأهداف التي سجلها خلال مسيرته الاحترافية حتى الآن.

ورد كوكا على ميدو بقوله:"مهاجم متواضع؟ أولا ً هو أنت أصلا مين طلب رأيك".

وتابع كوكا: "ثانيًا انت مبطل كورة وأنت عندك 29 سنة وكل الناس عارفة ليه".

وأضاف: "ثالثًا لو رقم الأهداف اللى انت جايبه شايفه قليل مجيبتوش أنت ليه مع أن اللى بيلعب في نادي أكبر فرصة حتكون أكبر في التسجيل".
وأتم: "رابعاً حاولت تبقى مدرب ومبتكملش شهر في أي نادي"