شاهد..جمهور الإسماعيلي يعلن الحرب على «العثمانيين» بعد الهزيمة من الأهلي

1-في كلمتين محشورين في زور العبدلله اللي خلاص جايب اخره من الأوضاع التي تفرض علينا من قبل كل مجلس ادارة يمسك النادي وأقل ما يقال عنها مجالس، لا تتحمل المسئولية بكل ماتعنيه الكلمة.

* هل حفاظك على القوام الاساسي للفريق ودفع فواتير المياه والكهرباء وتسديد ديون "بعض" اللاعيبة اللي مقدمة شكاوي ده يعتبر إنجاز عظيم، والمفروض الجمهور يسبح بحمد عثمان بيه ويفضل يقول الله عليك يا معلم ويا ناظر ويابتاع ؟! هل الحاجات دي هي اللي هتخليك تنافس على مربع ذهبي مع الأخذ في الاعتبار إن عثمان باشا قال بلسانه السنة اللي فاتت ان هدفنا مربع ذهبي ومن الموسم الجديد "دلوقتي يعني" هننافس على بطولة، لكن ما علينا.

* النهارده غلق باب الإنتقالات الشتوية رسمياً وانت واللى  معاك مش فالحين غير في كلمة "سرية سرية سرية"؛ وكأن في عفريت ناطط عليكم اسمه سرية! لأ والأبجح إن نفس الكلام إتقال في الصيف اللي فات والجمهور فضل متعشم فيك انت وسريتك لكن خذلته ومع ذلك بتكرر نفس الكلام بعد نص موسم ومع ذلك بردوا متضايق ان الجمهور متعصب وبتعاندهم زي الاطفال!! تفتكر بعد ده كله هيكون عندنا ثقة فيك انت والمجلس اللي معاك؟! 

* طيب تفتكر بعد ما عملت حوارات وطفشت المدرب اللي من لا شيء تصدر بالفريق الدوري وكل اللي طلبه منك شوية حاجات فعلياً بملاليم هتكسب انت والنادي اضعافها لما تحقق البطولة او على الاقل تدخل دوري ابطال افريقيا ودوري ابطال العرب، فلوس البث التليفزيوني وشركات الرعاية اللي هتجيلك وقيمة لاعيبتك التسويقية اللي هتزيد الخ الخ الخ،،، ومع ذلك طفشت المدرب ومع ذلك مستني الجمهور يثق فيك!!

* غلطت تاني وجبت مدير فني اقصى نجاحاته انه كان كشاف لاعبين ومش قادر حتى تحقق اللي انت وعدت بيه كالعادة ومستني ثقة الجمهور بردوا!!! لاعيبتك نفسها جالها احباط واللي هيجيله عرض هيتمرد وهيمشي الموسم اللي جاي لأن دكة الأهلي والزمالك بقت أرحم بالنسبالهم وفيها أرباح أكتر.

* طيب عواد صرح النهاردة بعد الماتش انه عنده عروض في اوروبا وعايز يحترف في نهاية الموسم،، هل عندك حارس يعوض غياب حارس بحجم عواد!؟؟ طيب هل ناوي تشتري لاعيبة وتقوي خط دفاع الفريق علشان مجدي او فوزي يلاقوا حد يشيل معاهم؟؟؟ اكيد لأ!

* كالديرون وابراهيم حسن والله اعلم مين تاني؟ هتعرف تعوضهم لما يتمردوا ويمشوا بالغصب بسبب سوء ادارتك اللي موردش علينا قبل كده رغم ان اللي قبلك كان ابوالسعود ؟! مفيش في ديك امك امل يا عثمان انت والمجلس والله. 

* طيب هل عندك الجرأة والقوة كرئيس ثالث أكبر نادي في مصر ونادي من اعرق واكبر اندية افريقيا انك تتحد مع ١٠ من رؤساء الأندية الشحاتة اللي زي حالاتنا وتقدموا شكوى لإتحاد الكورة أو الفيفا في الاهلي والزمالك على الافساد والملايين اللي بيصرفوها بدون سقف دي؟! ولا انت عايز تفكيري كمشجع محدود العقل يروح لناحية انك عندك مصالح مع رجال اعمال؟

* طيب لو كان الاهلي والزمالك بيصرفوا من فلوس رجال الأعمال دول وأكيد رجال الأعمال مش متبرعين دول مجرد مستثمرين وفلوسهم هترجعلهم بإرباح،،، انت بقى كملياردير منوفى هل معندكش خلفية تجيب شوية ناس عندها خبره وتتزفت تدفع قرشين في النادي تستثمرهم ولما المشروع ككل ينجح تبقى تاخد فلوسك وأرباحها؟!

* لو كنت فاكر انت واخوك بتاع مجلس الشعب ان انتوا اكبر من جمهور الاسماعيلي تبقوا غلطانين، جمهور الاسماعيلي اكبر منكم ومن اللي حواليكم وصدقوني مش هينفعوكم لما تتشافوا في اسماعيلية وفي سنكم ده الجمهور يهزقكم ويمد ايده عليكم.

* نجحت في الانتخابات بالحب بعد ما ضيقت الجو وقيفتها عليك انت ومجلسك والجمهور معترضش لثقتهم فيك، الاسماعيلي مش مركز شباب ومليون غيرك يتمنوا المنصب ده ولو عايزين نمشيك هنقدر لكن لغاية دلوقتي إحنا ملتزمين أقصى درجات ضبط النفس والله عشان ميطلعش حد يقول الجمهور بيهدد الإستقرار.

* وأخيراً  شيحة لو حد في اسماعيلية شافك في الاسماعيلية هتضرب،،، مصر مبقاش فيها حاجة تتحب ولا حاجة متعلقين بيها غير الإسماعيلي النادي العظيم اللي بيلعب بإسمنا وبإسم كل محترم من بره اسماعيلية فا لو فاكر انت وعثمان اننا هنسيبكم تبرطعوا في النادي كتير تبقوا غلطانين ونهايتكم قربت يا شوية....عاملين بهوات.

‎*إخواننا بتوع الدعم وبلاش إحباط أحب أوضحلكم إننا مكسبناش ولا ماتش من أخر ٤ ماتشات يعني أكتر من شهر بدون ولا فوز واحد، مفيش صفقات في الشتا، مفيش صفقات في الصيف، المدير الفني طفشوه ومش عايزين يجيبه مدير فني غيره، لاعيبتك جالهم إحباط والموسم الجاي مش هتلاقيهم،،، كل ده وبيقولوا سرية.