أسطورة الأهلي لرمضان صبحي: "هدبحك لو رحت الزمالك"

كشف حارس مرمى النادي الأهلي التاريخي إكرامي الشحات، عن حقيقة ما يتم تداوله من أخبار تفيد بموافقته على انتقال رمضان صبحي إلى صفوف نادي الزمالك خلال الفترة المقبلة.

وقال الشحات في تصريحات تلفزيونية لبرنامج "اللعيب" المذاع عبر قناة "mbc masr":" "عمري ما هحب حد أكثر من أولادي، رمضان حالياً ابني، طبعاً أحبهم أكثر من الأهلي، ابعد ولادي عن الموضوع يبقى الأهلي حياتي".

وأضاف:" هل هحب الأهلي أو بيراميدز أكثر من أولادي؟، لو قلت غير كده، اللي بيتفرج عليا يقول إني مجنون، في فرق بين ولادي وكيان الأهلي".

وأشار إلى أن موافقته على رحيل رمضان للزمالك مستحيل بقوله:"لو رمضان صبحي راح الزمالك هادبحه، ده ابني، وفي دي اتحكم في مصيره، رمضان وشريف مش هيلعبوا في الزمالك، لأن مينفعش ده مع عائلة إكرامي".


واختتم:"رمضان صبحي جوز بنتي اللي متربي في الأهلي مينفعش يلعب في الزمالك، ومين اللي بيقول رمضان زملكاوي؟، لو اتفاوض مع الزمالك من غير ما يقولي هو حر بس هيخسرني، ورمضان معجون بحب الأهلي".