أخبار محلية

الزمالك يهاجم أمين عمر: أهلاوي

الإثنين 10/مايو/2021 - 01:03 ص

كتب: محمد هاني

تحدث ابراهيم عبد الله عضو اللجنة التنفيذية بنادي الزمالك عن اختيار أمين عمر حكمًا لمباراة الأهلي والزمالك القادمة.

وقال ابراهيم عبد الله في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "باين كدة في خناقة بين وجيه أحمد وبين امين عمر وبيكرهه، وجيه عارف ان امين عمر أهلاوي ووالده أهلاوي وبيهاجم الزمالك على الفيس بوك وبيصدره للمشاكل بتعيينه حكم للمباراة".

وتابع "اتمنى بكرة امين عمر ميتقلش في الفطار ويبقى جمب الكورة كل شوية وتبقى السماعة في ودنه علشان يسمع نداء الفار".

وأضاف "احنا زهقنا من ان الاخطاء في مباريات القمة تكون ضد الزمالك فقط وفي اتجاه واحد فقط،، مش بنعترض على الحكام المصريين، لكن ياريت وجيه أحمد كان يرحم امين عمر من الضغط الي هيبقى عليه بسبب انتماءه، مش عارف هنعمل ايه بكرة بصراحة ".

وواصل ابراهيم عبد الله "الاهلي اعترض على تعيين امين عمر؟ مع احترامي لهم انا مش بتكلم عن النادي الأهلي وكل نادي له سياساته".

وأردف " تصريحاتنا مش ضغط على الحكام، دي حقائق، تعالى شوف كام دوري الزمالك خسره بسبب أخطاء الحكام، خسرنا أكتر من 10 دوريات بسبب الأخطاء البشرية".

وتابع "راجعوا كل ماتشات الزمالك الي حصلت الفترة الي فاتت هتلاقي المباراة مصفصفة 30 دقيقة بالكتير".

واستكمل ابراهيم عبد الله تصريحاته "الزمالك لم يخسر في وجود امين عمر؟، انا مالي بالأرقام؟ هو يعني لعب كورة برجله في مباراة فيهم من صناعة شيكابالا وسجل هدف؟، شوف بقى هو حرمني من كام ضربة جزاء في المباريات، أمين عمر ده حسب ساب وقت أطول من الوقت القائع في مباراة الأهلي وسموحة".

وأختتم ابراهيم عبد الله تصريحاته "الحكام بتحسبلي فاولات في اماكن مالهاش لازمة وأوت عبيط، مفيش فاولات على الصندوق بتتحسب لصالح الزمالك".