شوبير يوجه رسالة نارية لنجم الأهلي بسبب مصطفى محمد

طالب الإعلامى أحمد شوبير أحمد بلال مهاجم الأهلى ومنتخب مصر الأسبق بدعم ومساندة مصطفى محمد مهاجم الزمالك المعار لجالطة سراى التركى.

وقال شوبير فى برنامجه الإذاعى عبر أون سبورت إف إم: "مصطفى محمد راكب قطر اكسبريس وجالطة سراى المحطة الأولى، وأتمنى أن يصل للمحطة الأخيرة لأنه حتماً سيكون فى أفضل ناد وهو يستحق ذلك".

وتابع:"بلاش يا جماعة نغمة أهلى وزمالك مع المحترفين، مصطفى محمد لازم الكل يسانده لإنه بيمثل مصر وهيفيد منتخب مصر".

وأضاف:" أنا بحب أحمد بلال جدا وهو من الناس المؤدبين ومينفعش يفضل يتكلم على مصطفى محمد كتير، لازم يا بلال تساند مصطفى محمد ومينفعش تقول معنديش وقت اتفرج عليه لأ اتفرج عليه يا بلال لأن إنت لما كنت محترف فى تركيا كنا بنتفرج عليك وندعمك ونساندك".

واختتم:"بعيداً عن أحمد بلال لأنه لا ينطبق عليه الكلام اللى هقوله ده، فى ناس بقى واخدينها هزار عشان التريند ولازم نقولهم كفاية بقى كلامكو بقى بايخ وضحكنا عليه شوية بس خلاص الإفيهات بايتة وبوخت واسترخمت وبقى دمها تقيل ياريت تدوروا على الجديد".