أحمد حجازي يتحدث عن تعادل اتحاد جدة أمام الأهلي فى الدوري السعودي

تحدث النجم الدولي المصري أحمد حجازي فى تصريحات تلفزيونية عقب تعادل فريقه أمام أهلي جدة ببطولة الدوري السعودي للمحترفين.

وقال أحمد حجازي:" ابتدينا الماتش مش أحسن حاجة، لكن الحمدلله قدرنا نحافظ على الكرة معظم أوقات المباراة، واستحوذنا على الكورة فى حدود 75 أو 80 دقيقة من الماتش كله، يمكن الفرص كانت قليلة على الجول، لكن الحمد لله قدرنا نرجع فى النتيجة، وأعتقد أن إحنا الشوط التاني ضيعنا المكسب"

وأضاف " إحنا طبيعي بنبدأ المباراة ضد فريق قوي، فاكيد إنا بتبدأ مباراة طبيعية، مش محتاج إنك تفتح الملعب من أول المباراة، أكيد انك بتبدأ المباراة بحذر شوية، هما حتي الهدف اللى جابوه كان الهجمة الوحيدة فى الشوط الأول، بعد الجول أكيد بتحاول انك تعوض، فبتفتح الملعب أكتر، فالأظهرة بتطلع، هما تراجعوا شوية وإحنا ضغطنا أكتر"

واختتم: " هذا أول هدف لي مع الاتحاد، وكنت أتمنى أن يكون بمكسب، بس الحمدلله إن شاء الله الماتشات الجاية تكون أحسن"