حازم إمام لـ جماهير الزمالك: عندكوا فرقة جامدة والفلوس جاية

طمأن حازم إمام نجم الزمالك ومنتخب مصر الأسبق جماهير القلعة البيضاء قبل انطلاق مسابقة الدوري مؤكدًا أن الفارس الابيض يمتلك فرقة جامدة سواء الاساسين أو الاحتياطين وأن الموارد المادية قادمة لامحالة لحل أزمات النادى.

وقال حازم إمام فى برنامجه الاذاعى وان تو عبر إذاعة أون سبورت إف إم:"الزمالك عنده فرقة جامدة بلغة الكورة سواء الاساسين أو الاحتياطين رغم أن الفرقة لم تدعم سوى بحمزة المثلوثى وعودة المعارين أحمد فتوح ومحمد أشرف روقة لكن تظل فرقة قوية مرشحة لحصد البطولات".

ويضيف حازم إمام:"جمهور الزمالك ميقلقش عنده فرقة جامدة وفى خلال ايام قليلة فلوس الرعاية هتحل الازمات المادية وهيتم تعديل عقد مصطفى محمد وشيكابالا واوباما ودفع مقدم تمديد تعاقد فرجانى ساسى والفرقة هتفوق ومش هيبقى فيه مشاكل خالص".

وأتم حازم إمام:" عجبنى كلام احمد سيد زيزو عن فريق الزمالك، خاصة لما قال مفيش لاعب مدلدل فى الزمالك ودى نقطة مهمة جدا مفيش لاعب عينه مكسورة ولازعلان ولامحبط ولا مش واثق فى قدراته احنا خسرنا ماتش وكنا بنلعب فيه كويس وهذا أمر عادى فى عالم الكرة".