رئيس مجلس الإدارة
محمد إبراهيم نافع
رئيس التحرير
محمد القوصي
رئيس مجلس الإدارة
محمد إبراهيم نافع
رئيس التحرير
محمد القوصي
البكري يوجه ضربة جديدة ضد مرتضي منصور
الإثنين 07/ديسمبر/2020 - 12:41 م
كتب:
ابراهيم الخطيب
مرتضى منصور - رئيس نادي الزمالك المعزول
أكد مصدر داخل نادى الزمالك، عن أن اللجنة التي تدير شئون النادي برئاسة أحمد البكدري؛ استقرت على إزالة صور مرتضى منصور رئيس الزمالك السابق، خلال الساعات المقبلة.
وقال مصدر في الزمالك، أن عمومية نادي الزمالك طلبت من أحمد البكري، إزالة صور مرتضى منصور المنتشرة بالنادي بشكل كبير، ووعدوهم بتنفيذ مطالبهم خلال الساعات المقبلة.
حرص مرتضي منصور، رئيس الزمالك المُنحل، بقرار من وزير الشباب والرياضة الدكتور اشرف صبحي، بسبب مخافلات إدارية ومالية، على توجيه رسائل نارية.
وقال مرتضي منصور في فيديو تم بثه عبر اليوتيوب: "انا متأكد لما سياده الريس يشوف الفيديو هينصر الحق وجمهور الزمالك ومرتضى منصور لاني من خلال مقابلتي ليه كذا مره قال انه بيترعب من ربنا هينصر الحق ".
وأضاف مرتضي منصور: "على اي اساس مجلس الإدارة بـ يتحل ومخالفات ايه انا معايا تسجيلات وما يثبت ان مرتضى اتقرت فاتحته عشان تصالح قطر مع مصر كان شرطه انهم يخلصوا من مرتضى منصور ".
وتابع مرتضي منصور: "محدش يقوللي ان المستشار البكري هو اللي بيدير النادي اللي بيدير النادي ممدوح عباس ورجع كل رجالته ".
وأوضح: "على اي اساس بتفصل الناس في النادي وتعيين ناس انت لجنة تسيير أعمال مش من اختصاصك انك تعين او تطرد".
وأشار: "انا لاخر لحظه بحافظ على فلوس النادي واخطرت بريزينتيشن بفسخ التعاقد عشان عليهم 111 مليون جنيه متأخرين ولما مردوش على الجواب بعتلهم على تليفوناتهم اني فسخت التعاقد ويحقلي التعاقد مع اي شركه تانيه".
وتابع: "يا سيادة الرئيس انا من ساعة حوار رئيس الوزراء وانا "بتفرم" انا وملايين الزملكاوية واني قولت لرئيس الوزراء أنت مين كان "تلكيك" علشان يفرموا مرتضى ".
واختتم: "بقول لجمهور ولعيبه الزمالك الزمالك مخسرش نهائي افريقيا وانما كان فيه مؤامره لما حكم الڤار يتغير قبل الماتش وضربتين جزاء متحسبوش كان علشان مرتضى ميقفش على المنصة ويرفع كأس افريقيا وساعتها يبقى الجمهور قرفان منه وتعرفوا تشيلوه لكن جمهور الزمالك واعي وفاهم وتوقيتكوا كان سئ وغير موفق... ربنا اسمه العدل وباذن الله هينصرني لاني صاحب حق".
