محمد القوصي يكتب : قهرنا البرازيل.. إيه اللعيبة الحلوة دي يا كابتن شوقي

من زمان لم اشاهد مباراة لفريق كرة قدم مصري بهذا الشكل .. كانت مباراتنا مع المنتخب البرازيلي الأولمبي.. قدم لنا صورة فنية رائعة

ايه الحلاوة دي يا كابتن شوقي غريب ايه الجمال ده ايها الفلاح الفصيح

فزنا علي البرازيل بجدارة لعب و فن و جمال و ابهار شغلك باين يا كابتن بكل وضوح فيه جمل فيه اداء فيه تكتك فيه حاجة بتحصل في الملعب احنا كده اطمنا علي مستقبلنا في كرة القدم .

شاهدت مباراتنا مع البرازيل بكل فخر و متعه كنا افضل من البرازيل من كل الوجوه لاعيبة عندها جرأة تلعب كرة قدم بجد

ايه ناصر ماهر ده و لا عبد الرحمن مجدي و لا الرهيب كريم العراقي لا فيه لاعب مرعب كمان اسمه عمار حمدي و لا احمد ياسر ريان و كريم فؤاد و أكرم توفيق و باقي كتيبة الموهوبين في خط الدفاع و الاطراف و حاد حارس المرمي

حتي بعدما تعادلنا و تقدمنا بهدفين لم نتراجع لم ندافع لم نخف من البرازيل برازيل ايه احنا مصر .. واصلوا اللعب و الهجوم و كان ممكن نضيف اهداف أخري .

ملخص الكلام دي فرقة كورة فرقة لاعيبة حلوة لاعيبة بتلعب كورة مش لاعيبة كسر و لا لاعيبة بتخاف ده كله شغل مدرب شكرا كابتن شوقي غريب ان شاء الله تحقق حلمنا في اولمبياد طوكيو فكرتنا بمباراة كأس العالم للقارات.

لا و كل ده حصل في غياب اتنين من اهم اللاعبين رمضان صبحي و مصطفي محمد و لسه لما ينضم ليهم صلاح في الاولمبياد و محمد الشناوي و طارق خامد هيكونوا جامدين قوي

واضح ان ده يوم سعيد لنا بعدما فاز منتخبنا الاول علي توجو في لومي ٣ /١ و ابدع لاعبوه برافو حسام البدري و يا ريت الناس تهدي شويه عليه بعدما تصدرنا المجموعة