أمير مرتضى: الموسم هينتهي بحلم كبير لكل الزملكاوية

كشف أمير مرتضى المشرف العام على الفريق الأول لكرة القدم بالزمالك عن خطتهم للمرحلة المقبلة.

وقال أمير مرتضى في تصريحات عقب اللقاء،" ببارك لجمهور الزمالك و اللاعيبة ، احنا خدنا اللي عايزينه من الدوري الموسم ده في ظل الضغوطات اللي حصلت و ظروف الموسم ده ، و ان شاء الله الموسم ده يخلص على حاجة كلنا بنحلم بيها".

وتابع " و احنا مركزين في افريقيا بشكل كبير جداً ، و بنوعد الجمهور يشوفوا نفس النتيجة و المستوى اللي شافوه في المغرب ، احنا بنعتبر نفسنا لعبنا هناك و النتيجة سلبية و غير مرضية ، و تركيزنا كله في مباراة العودة ، و في شوط خلص هناك ، و لسه في شوط هنا ، و مكسبنا في المغرب عمل علينا ضغط هنا في ماتش العودة، و شغالين على اللاعيبة فنياً و بدنيا ، و في روح عالية بين اللاعيبة لتحقيق البطولة".

وأكمل "الدوري خلص و بعد خصم النقط و كل حاجة كانوا عايزين يعملوها ، احنا خلصنا الموسم زي ما احنا عايزين و ضد كل الظروف اللي كانت بيحاولوا فيها اننا مانبقاش موجودين في المركز المؤهل لأفريقيا".