التريند.. ميدو يفاجئ مصطفى محمد..شاهد

فجر أحمد حسام ميدو لاعب نادي الزمالك السابق ومقدم برنامج أوضة اللبس على قناة النهار بإنتقاد الأشخاص التي هاجمت مدرب المنتخب المصري حسام البدري بعد تصريحاته عن مصطفي محمد مهاجم القلعة البيضاء.

وقال ميدو عبر حسابة الرسمي بموقع تويتر:" مصطفى محمد افضل مهاجم في مصر ولكن طبيعيأان مدرب المنتخب يطلع يقول انه محتاج يشتغل على نفسه كتير علشان يكون المهاجم الاساسي للمنتخب..المدرب من حقه انه يستخدم الاعلام في بعض الاوقات لاخراج افضل ما عند لاعبيه خاصة لو كان لاعيب صغير في السن".

وأضاف:"لازم كلنا نستنى قرارات حسام البدري الفعليه وليس تصريحاته..ممكن يكون حسام البدري بيستفز مصطفى علشان يموت نفسه علشان يكون المهاجم الاساسي للمنتخب..لو حسام البدري صرح دلوقتي ان مصطفى احسن مهاجم في مصر تبقى دي بداية النهاية بالنسبه لمصطفى!! انا مع تصريحات حسام البدري!!"

وأوضح:"مصطفى من نوعية اللاعيبه اللي لازم يتحط تحت ضغط على طول علشان يديك احسن حاجه عنده..ماعنديش اي شك ان مصطفى هيكون مهاجم المنتخب الاساسي مع حسام البدري"

وتابع "مش فاهم في ناس عايزه مدرب المنتخب يقول للاعيبه الصغيره اهلا بيكم مكانكوا محجوز في المنتخب.. اعملوا اللي انتوا عايزينه الفتره اللي جايه وانا في ظهركوا..مفيش اي مدرب كبير بيعمل كده ابدا".

وقال:""اخيرا لو لم يشرك البدري مصطفى محمد اساسيا مع المنتخب واعطاه الوقت الكافي في المباريات القادمه لان يثبت للجميع انه يستطيع ان يكون المهاجم الاساسي سأكون اول المنتقدين له ولكن حتى الان انا مع تصريحاته فيجب ان يعلم مصطفى بان مازال امامه الكثير من العمل ليكون مهاجم مصر الاول" .

وتعرض حسام البدري لهجوم شديد خلال الساعات القليلة الماضية بعد تصريحاته عن مصطفى محمد بامه يجتاج إلى بعض الخبرات والتعلم حتى يصبح مهاجم مصر الأول مما آثار غضب جماهير نادي الزمالك خلال الفترة الماضية.