أحمد ناجي: شوبير مستقبل حراسة مرمى الأهلي..وأنصح عواد بالعودة للإسماعيلي

أكد أحمد ناجى مدرب حراس مرمى الفريق الأول لكرة القدم بنادي سموحة، أن مصطفى شوبير حارس مرمى الأهلي الشاب، ظهر بمستوى مميز، خلال مباراة الترسانة، في دور الـ16 من سمابقة كأس مصر، والتي انتهت بفوز الفريق الأحمر بهدفين مقابل هدف.

وقال أحمد ناجى فى تصريحات إذاعية :" تابعت مباراة الاهلى والترسانة وعجبنى هدوء مصطفى شوبير فى أول مباراة، عنده ثبات، ظهر عليه بعض التوتر وده طبيعى دى أول مباراة كلنا كنا كدة فى البداية لم نولد عملاقة ".

وأضاف :" أعرف مصطفى شوبير كويس ودربته ومش قلقان على مستقبل حراسة المرمى فى الاهلى فى وجود الشناوى وعلى لطفى ومصطفى شوبير وحمزة علاء وأحمد طارق سليمان ، ولو كلامى ده هيزعل شوبير لازم أقوله ..بدايات مصطفى أحسن من شوبير نفسه أنا شوفت بعينى".

وعن محمد عواد، حارس مرمى الزمالك، قال :"زى مانصحت شريف إكرامى يدور على مكان يلعب فيه بقول نفس الكلام لعواد فهو حارس موهوب وسنه صغير ومش عايزين نخسره، وياريت يخرج للإعارة أتمنى طبعاً سموحة ولكن سعره يفوق قدراتنا، والافضل يرجع الاسماعيلى ناديه وبلده والناس طيبة وبتنسى وهتقف جنبه بشرط موافقة الزمالك ".