شوبير: كارتيرون قد يعود للزمالك من جديد

أبدى الإعلامي أحمد شوبير، تعجبه من الهجوم على الأهلي والزمالك، تزامناً مع مواجهتهما المصيرية في نصف نهائي دوري أبطال أفريقيا، أمام الوداد والرجاء المغربي.

وقال شوبير في برنامجه "مع شوبير" عبر إذاعة "أون تايم اف إم": "كلام كتير عن رامي ربيعة وبن شرقي وساسي ومعلول وديانج"، وأضاف: "حتى فايلر كلام كتير وعرض سعودي بـ3 ملايين دولار في السنة، اللي عايز أقوله ان المدرب السويسري عقده 2.4 مليون دولار مع الأهلي سنوياً، ومكافأة الدوري 400 الف كده جاب الـ3 مليون اللي بيقولوا عليها".

وتابع: "فايلر بياخد المبلغ ده وقاعد معزز مكرم محدش بيقرب من شغله، هيمشي ليه؟ أهو كارتيرون مشي ومهدد بالرحيل من التعاون، مع أني متأكد أن التعاون هيطلع ويقول أن الهزيمة بستة أهداف مش مسؤوليته، لكن هيفضل على جبل التلج وهيفضل يتزحلق، والزمالكوية شمتانين فيه".
وتساءل: "مين بينخرب ورا الأهلي والزمالك؟".

وتحدث حارس الأهلي والمنتخب الوطني السابق عن احتمالية عودة كارتيرون للزمالك قائلاً: "بمنتهى الصراحة الزمالك هو اللي كان سبب في أن قيمة كارتيرون تعلى، وعادي جداً أنه يرجع، باتشيكو وجروس عشنا معاهم نفس القصص وكان بيتقال خاينين والزمالك بيتفاوض معاهم وشوفت الفيلم ده قبل كده".