أخبار محلية

شاهد..شادي محمد يفجر مفاجأة: «هناك لاعبين في الأهلي وقعت لأندية أخري»

الأحد 20/سبتمبر/2020 - 02:45 ص

كتب: محمد إبراهيم

شادي محمد

أكد شادى محمد نجم الأهلى والمنتخب السابق، أن هناك لاعيبه داخل النادى الأهلى وقعت بالفعل لأندية أخرى في الدورى المصرى ولازم نغير طريقة التعاقدات.

وقال شادى محمد في تصريحات تلفزيونية عبر شاشة أون تايم سبورتس 1 مع الإعلامى سيف زاهر فى برنامج "ملعب اون تايم سبورت": "السويسرى رينيه فايلر قدم أداء جماعي مميز في الدور الأول، وكان يتدارك الأخطاء ويعالجها بسرعة كبيرة والمكسب بيجيب مكسب لحد ما وصل الفارق جدا لدرجة أن المنافسين صرحوا بانتهاء المنافسة من بدرى".

وأتم : "الأهلى يحتاج 5 صفقات في الموسم الجديد للمنافسة على بطولة أفريقيا، ومحتاج التعاقد مع لاعب رقم 10 مع قفشة ولازم يكون سوبر، وصالح بيبعد وبيضيع وقته وتاريخه ولازم يرجع بسرعة، وكمان محتاج ظهير أيمن مع محمد هانى ينافسه".

وأختتم : الأهلى محتاج يعمل صفقات في السر لأن العين عليك وبتتحارب حاليا ولازم تخلص الصفقات من غير كلام كتير وميعلنش الا بعد انتهائها، ولازم تمضى كل اللاعبين اللى تقدر عليها وتهدد اللاعبين دى لو هتروح نادى آخر بالعقود وتغير فكرة تديهم عقودهم دى الفترة الحالية، وهناك لاعبين في الأهلى وقعت لبعض الفرق الأخرى.