شاهد.. ميدو لـ مرتضى منصور: «حسني مبارك مات ورجالته كلهم اتحبسوا»

هاجم الإعلامي أحمد حسام ميدو، لاعب نادي الزمالك الأسبق، مرتضى منصور، رئيس مجلس إدارة نادي الزمالك، بسبب تصريحاته التي أدلى بها أمس الأحد عبر فضائية نادي الزمالك.


ودون ميدو عبر حسابه الرسمي على موقع التواصل الاجتماعي "تويتر": "‏الحديث على ان الزمالك استكمل الدوري من اجل الفوز على الاهلي فقط عبث وكلام لا يليق بنادي الزمالك ولا بلاعبيه ولا بجماهيره..واتمنى من المطبلاتية المنتفعين عدم ترديده.الزمالك خسر الدوري ولكن لازم يشارك في بطولة افريقيا ابطال الدوري السنه اللي جايه وان شاء الله نفوز بالبطولة السنه دي".

وتابع ميدو:" ‏امير مرتضى اهم عنصر في منظومة نادي الزمالك في الفترة الاخيرة وادائه تطور بشكل كبير مع الخبرات اللي بيكتسبها مع الشغل..من اهم ميزاته انه يعلم كيف يتعامل مع رئيس النادي وبيفلتر المشاكل قبل ما توصله ودي ميزه مهمه جدا في ادارة الامور داخل نادي الزمالك ويمكن تكون الاهم!!".

وواصل:" ‏اذكر المستشار مرتضى منصور بإن اللي دخلك في مشاكل كبيرة في ٢٠٠٥ هما المطبلاتيه اللي كانوا حواليك اللي كانوا بيحاولوا يستفيدوا منك وكانوا بيصدرولك المشاكل مستغلين طبيعة شخصيتك..انت عملت حاجات كويسه كتير ماتخليش الناس اللي بتستفيد من نادي الزمالك بس وتمص دمه تحاول توقعك مره تانيه".

وأردف: "‏وجودك على رأس ادارة نادي الزمالك مهم جدا في التوقيت الحالي وحتى في المستقبل القريب!! وجودك صداع في راس الناس اللي بتحاول تهد نادي الزمالك منذ سنوات!! لازم تحافظ على مكانك بابعاد اصحاب المصالح من حولك من يعطوك النصيحة الخطأ ويقولون لك نعم وامين فقط من اجل مصالحهم الشخصية".

وأتم ميدو: "‏فتح الصدر بيودي في داهية وانت اكتر واحد عارف كده..مفيش حد كبير في البلد دي وانت اكتر واحد عارف كده!! حسني مبارك الله يرحمه ورجالته كلهم اتحبسوا.تاني خلي بالك لازم يكون حواليك على الاقل واحد بيقولك لا ده غلط..نصيحتي ليك انا عارف انه ابنك الصغير بس دائما قبل ما تتحرك اسمع كلام أمير".