شاهد..احمد شوبير يكشف تفاصيل أطول مكاملة هاتفية مع رمضان صبحي

وقال شوبير عبر برنامجه بقناة أون تايم سبورت اليوم:" جمعتني مكالمة مطولة برمضان ، قالي أن الاهلي فاوضني وقعدت مع الكابتن الخطيب وكانت مقابلة رائعة ومكنش ليا غير طلب واحد أني عايز أكمل مشواري الاحترافي وفي النادي قالولي هتجدد معانا ولو جالك عرض يليق معندناش مشكلة".

واضاف رمضان:" بأكلم نادر شوفي بأقوله أية أخبار العروض يقولي العروض الاوروبية صغيرة ولا تليق ، في الاسبوع الاخير دا بقى نادر قعد مع رمضان وقاله مش قدامنا غير الاهلي وحصل اجتماع مع مسؤلي الاهلي بس رمضان قعدة لوحده مع امير توفيق لانه زعل انه مجابلوش عرض اوروبي ، امير قاله خلاص قربنا نخلص وعايزين امضاء منك لهدرسفيلد انك بتتفاوض مع الاهلي وموافق ، راح رمضان قال لامير توفيق انا هفتح مع وكلاء تانية لان نادر شوقي مجابليش عروض".

وأوضح شوبير :" رمضان قعد مع صديق وكيل ليه وقاله عايز عرض فا قاله هجيبلك عرض من اسيا ونجح فعلا انه يجيبله عرض من فريق اسيوي ودا اللي قاله علي صقر وكيل رمضان التاني، بيراميدز راح مكلم علي صقر وقاله مفيش مشكلة ونفتح كلام بينكم وبين رمضان ، امير بيتصل برمضان وبيقوله احنا مخلصين خلاص ها ، رمضان زعل ان الكلام اللي بينهم بيتعرف برا وزعل وان الامر دا سري ، امير قاله محدش اتكلم على أرقام او اي حاجة والناس كلها بتجتهد ، رمضان راح قاله خلاص حط اللي في العقد وانا موافق عليه".

وتابع:" امير بيكلم رمضان تاني بيقوله انت هتروح بيراميدز بيقوله وليه لأ دي عروض ومتقدمة ليا ، ظهر نادر تاني بعرض تركي بس العرض معجبش رمضان لانه كمادي قليل ، رمضان قالي حسيت أن نادر شوقي كل اللي عايزة هو اني اوقع للاهلي وخلاص ومحدش بيأخد رأي في الكلام وبيقولهم متقلقوش رمضان موقع موقع ، قلتله يابني ما انت اللي قولت خلاص حطوا اللي تحطوه وانك موافق ، قالي ماشي بس أنا عندي عروض من هنا وهنا ، انا أه رجعت عشان خاطر الاهلي وخدمت النادي بس أسألهم انا كنت باخد كام في انجلترا ، أنا اكتر حاجة ضايقتني أنهم قالو للخطيب أني طلبت مهلة ودا محصلش ، قلتله ما انت عمال تأجل يا رمضان فا واضح أن دي مهلة ، قالي بيراميدز ضغطوا وعرضوا عرض كبير جدا وانا راجل عندي مسؤليات كتير وعرض ميترفضش وعشان مستقبلي واسرتي ، قلتله يا رمضان ف النهاية يعني ان دا تأمين مستقبل ، قالي اه دا تأمين مستقبل".

وأوضح شوبير:"كابتن اكرامي وشريف اكرامي قالولي أن زيهم زي الناس ميعرفش حاجة وكابتن اكرامي كان عايز رمضان يستنى في الاهلي ، وقالي انا جيت في الوقت الضايع وكان الامر في غاية الصعوبة اني اقدر اعمل حاجة ، الوقت جري وبيراميدز قدموا عرض ورمضان وافق ، بقول لرمضان انت خلصت ولا لسه قالي اه بنسبة 80 % ، بقوله طيب هل الباب مفتوح ولا الموضوع انتهى ، قالي الموضوع انتهى خلاص".