أحمد مرتضي : مدخلات الزمالك 600 مليون جنيه سنويًا .. ومرتضي منصور اللي خلص صفقة السعيد

أكد أحمد مرتضى منصور عضو مجالس إدارة الزمالك، أن مفيش لاعب حاليا بيمضى على بياض بسبب تواجد وكلاء اللاعبين وكله لازم ياخد فلوس علشان يوقع.

وقال أحمد مرتضى مع الإعلامى إبراهيم فايق فى برنامج "جمهور التالتة" المذاع على قناة أون تايم سبورت 2: "مفيش لاعيبه بتمضى على بياض حاليا بسبب وكلاء اللاعبين وأحيانا اتخانق مع الوكلاء لأان الوكلاء أحيانا بتدمر اللاعبين وتلعب بهم مقابل مصالحهم الخاصة".

وتابع أحمد مرتضى: "نادى الزمالك أصبح الآن مدخلاته المالية ما يقرب من 600 مليون جنيه فى السنة، بعدما كان يفشل في دفع مستحقات اللاعبين والأجهزة الفنية".

أضاف أحمد مرتضى: "طارق حامد أهم صفقة للزمالك في الفترة الأخيرة اللى جابه هو مرتضى منصور فقط وأصر على ضمه والمشرف على الكرة في الزمالك في الوقت الحالي رفض ضم طارق لأنه القائمة اتقفلت".

وعن عبد الله السعيد، قال عضو مجالس إدارة الزمالك: "اللى خلص عبد الله السعيد هو مرتضى منصور وقالى روح قابله وخلص معاه مع وكيله سيد مرعى، وأول مقابلة كانت فى بيت سيد مرعى واتفقنا على يوم دفع الفلوس وكان عبد الله السعيد عنده ماتش مع الأهلى فى أفريقيا وسجل جونين وكان بيتكلم على الأهلى كويس جدا وده حاجة تحسبله، ومنحت حقيبة ملابس الزمالك خاصة هدية له بعد الاتفاق".

وأوضح أحمد مرتضى منصور: "لم يحدث خلاف بينى وبين عبد الله السعيد كما يشاع في السوشيال ميديا، ولكن طلبت منه حذف فلوس بدل السكن اللى كانت في العقد، وعملية صفقة القرن مع عبد الله السعيد ردا على مقابلة مسئولى الأهلى مع أحمد الشناوى".
واختتم : "أحمد الشناوى كان واخد الفلوس مقدم تعاقد "زى سلفة" كان محتاجها، والزمالك خد حكم برد هذه الفلوس".