لاعب الإسماعيلي يشن هجومًا حادًا على ميدو

شن أحمد ناصر،لاعب الفريق الأول لكرة القدم بنادي الإسماعيلي السابق، هجومًا حادًا على أحمد حسام ميدو، المدير الفني السابق للدروايش بسبب أحد التغريدات السابقة للأخير على موقع التواصل الإجتماعي تويتر.

ونشر ناصر، عبر الحساب الشخصي على موقع فيس بوك، تويتة ميدو وعلق عليها كاتبًا:" بص يا خمورجى ازاى انت بتقول ان انا كنت فئه اولى فى الاسماعيلى وقت كان فيه.ك حسنى عبدربه و ك عصام الحضرى و احمد سمير فرج والسوليه وجون انطوى و مروان محسن وشوقى السعيد ومتولى و محمود عبدالعزيز وابرهيم حسن وكان عندى 23 سنه ازاى مكنتش بعرف اباصى وكنت فئه اولى يا مريض وبرده الاعيبه دى اغلبهم كنت عايز تبطلهم".

وتابع:" وبعدين تانى حاجه انا هقولك انت يا خمورجى ياكابتن عمرها ما طلعت منى ليك لانى كنت عارف انك بتكرهنى وجاى هتموت من حب جمهور الاسماعيلى ليا وده شرف كبير ليه وهفضل طول عمرى مدين ليهم لانهم خلوك تلف حوالين نفسك ومتنمش بسبب احمد ناصر بنى ادم مريضى وعايز تتعالج واخر حاجه انت ياكداب الى جبت سيره كابتن مدحت عبدالهادى وبتقول انت واخد معامله كانك مدحت عبدالهادى وده برده يثبت قد انك انسان مش طبيعى وبتحارب الناس فى رزقهم".

وكان ميدو كتب عبر حسابه:" والله مابيعرف يباصي وكان عقده في الإسماعيلي فئة أولى ولما مشيته قالي أنا هوريك ياكابتن إني أحسن من مدحت عبد الهادي".