شوبير ينتقد إدارة الإسماعيلي لهذا السبب !

قام الإعلامى أحمد شوبير، حارس مرمى النادي الأهلي الاسبق، بانتقاد تأخر إدارة الإسماعيلى فى قبول استئناف مباريات الدوري.

وأكد شوبير فى برنامجه الإذاعى عبر أون سبورت: "بجد سؤالى لإدارة الإسماعيلى ليه حضرتك اتأخرت كل ده، كنت عايز تنسحب محدش يقدر ينسحب من المسابقة المحلية إحنا فى دولة وفيها نظام، ليه ضيعتوا وقت طويل حوالى أسبوع أو 10 أيام رغم أنكم طالبتم بزيادة فترة الإعداد ورغم ذلك كنت آخر ناس هتبدأ مع الزمالك ومش فاهم ليه".

وتابع شوبير: "أنا من محبى الإسماعيلى، هو النادى المفضل لى بعد الأهلى بحب أتفرج عليه من زمان لأنه نادى جماهيرى وأدخل الفرحة على قلوبنا على المستوى القارى لأول مرة، وعنده نجوم كبيرة وجميلة مثل أبو جريشة وبازوكا وحسن مختار وميمى دراويش والسناوى وريعو والسقا،

وواصل: "لكن لا تعجبنى القرارات الفردية التى ينفرد بها رئيس النادى، وللحقيقة أكثر حاجة بتميز الأهلى هى العمل المؤسسى، كلهم نجوم من أول الخطيب لأصغر عضو مجلس ادارة، معندهمش حد مش نجم كل اعضاء المجلس على مر العصور نجوم ومشهورين رغم أنهم لايعرفوا التفرد بالقرارات".