صبري المنياوي: باهر المحمدي أحسن لاعب في الإسماعيلي

كشف صبري المنياوي نجم الإسماعيلى السابق، أن وكلاء اللاعبين لهم دور كبير في توزيع المدربين على الأندية المصرية.

وقال صبري المنياوي مع الإعلامي سيف زاهر في برنامج "ملعب أون تايم": أن التدريب في مصر محتاج زقة من حد علشان توصل، ولازم يكون ليك علاقة قوية بوكلاء اللاعبين لأنهم لهم دور كبير في توزيع المدربين على الأندية".

وأوضح : أن الإسماعيلى فضله كبير على كل اللاعبين، مؤكدا أنه لم يظلم حسني عبد ربه لأنه هو اللى عمل اسم وتاريخه، وكل واحد بياخد نصيبه، فيه ناس بتاخد أكثر من ما تستحق وناس مش بتاخد حقها الطبيعى".

وعن المواهب، قال مدير الكرة السابق بالإسماعيلي: "اللاعيبة زمان كان أفضل بكثير من الوقت الحالي، والمواهب حاليا مش كتيرة ولكن هتجدها أكتر في الأهلي بسبب أنه منظومة متكاملة وبيدي كل واحد حقه".

وأوضح: "الاحتراف دمر فكرة الانتماء وكله بيبص للفلوس عكس زمان، وأنا شايف أن أغلى لاعب في مصر لا تتعدى قيمته مليون ونصف جنيه، 2 مليون بالكتير".

وأتم : أن باهر المحمدي أحسن لاعب في الإسماعيلي ويستحق أعلى أجرا، والرواتب وصلت 3 مليون ونصف في الدراويش وكله واخد مستحقاته وكنا بنصرف المكافآت قبل المباراة الثانية.