مرتجي: أمير توفيق يهتم بالتفاصيل البسيطة... كادر أهلاوي براهن عليه

أشاد خالد مرتجي، عضو مجلس إدارة النادي الأهلي، بأمير توفيق مدير لجنة التعاقدات والتسويق، بعد التعاقد مع محمود عبدالمنعم كهربا، لتدعيم صفوف الفريق الأول لكرة القدم.

ونشر مرتجي صورة عبر صفحته الشخصية على موقع التواصل الاجتماعي "فيس بوك" لأمير مع كهربا، وعلق عليها:"امير توفيق... الاسم ده براهن عليه من دلوقتي، امير صاحبي من زمان وبنتكلم في الكورة... لكن أول مرة اشوفه بيشتغل
ثقافه ودراسة ولباقة وقدرة تفاوضية كبيرة... وبيفاصل في كل حاجه ولا عم دهب".

وتابع:"بيهتم جدا بالتفاصيل البسيطه ويبحث ازاي يسد كل الثغرات، وبيحترم الكابتن وقيادات النادي جدا.. وعارف بالظبط حدود مهامه ايه".

وأوضح:"بصراحة... شغله عجبني وكنت منبهر جدا جدا".

وزاد:" كادر اهلاوي يضاف للكوادر اللي براهن عليها زى دماطي وسراج وجارحي ومهند واحمد حسام عوض وعلي ندا وشباب تانية كتير (مش عاوز انسي حد) هتبقي مستقبل النادي الاهلي، وتخليك دايما مطمن وعمرك ماتخاف علي الاهلي".