شاهد| أمير طعيمة: تريزيجيه لا يستحق التواجد في الأوليمبياد

انتقد الشاعر الغنائي أمير طعيمة، بعض الإعلاميين الذين يتحدثون عن اختيار الثلاثة الكبار، للمشاركة المنتخب الأوليمبي، في آوليمبياد طوكيو 2020.


وقال طعيمة، على صفحته الشخصية عبر موقع التواصل الإجتماعي "فيس بوك":"مش مصدق ان الاعلام بيتكلم عن التلاتة الكبار اللي المفروض ينضموا للمنتخب الأوليمبي في طوكيو قبل المباراة النهائية بساعات"، مضيفا:"اللي هيدخلوا دول مش بس هيدخلوا مكان ٣ في القائمة بيحلموا يسافروا طوكيو، دول كمان هياخدوا ٣ أماكن أساسية مكان ٣ مِن اللي بياكلوا النجيلة دول عشان يرفعوا اسم بلدهم".


وأضاف:"انا مش ضد انضمام الكبار، ونيمار وغيره انضموا لمنتخبات بلادهم الاوليمبية بس انا ضد التوقيت"، مضيفا:"بعدين بترشحوا أسامي علي اساس ايه وانت مش عارف اساسا مين وقت البطولة هيبقي مصاب ومين سليم".


وتابع:"ده غير اصلا ان الترشيحات باستثناء صلاح معظمها غلط، انت هتاخد مراكز محتاجها مش هتاخد احسن ٣ في المنتخب الاول، يعني تريزيجيه مثلا المنتخب الأوليمبي مش محتاجه في ظل وجود رمضان صبحي اللي هو روح وقلب وكابتن فريقه والاتنين بيلعبوا في نفس المركز"ّ


واختتم تصريحاته قائلا:"الاحتياجات هتبان قبل البطولة بشهر والأهم أنكم بتشتتوا تركيز لاعبين فرحونا كلنا..انشاء الله رجالتنا يفرحونا رغم كل العك النفسي اللي بيحصل ده".