أخبار محلية

شاهد| رسالة نارية من أحمد سمير فرج لجماهير الأهلي ويرد على القيعي والمنيسي

الجمعة 15/نوفمبر/2019 - 03:23 م

كتب: معاذ عبد الرحمن

وجه أحمد سمير فرج، ظهير أيسر النادي الإسماعيلي السابق، رسالة إلى جماهير الأهلي، بعد الانتقادات التي تعرض لها في الفترة الماضية، عقب تصريحاته الأخيرة التي أكد فيها، أن حازم الهواري، عضو مجلس ادارة اتحاد الكرة السابق، كان يتفاوض معه عقب مذبحة بورسعيد،هو وعبدالله السعيد من أجل اقناعهما بالانضمام للأهلي.

وقال أحمد سمير، على صفحته الشخصية عبر موقع التواصل الإجتماعي " فيس بوك" :"بوست لجماهير الاهلي عشان كم الشتايم اللي بتجيني..اول حاجه النادي الاهلي اكبر فريق في مصر وافريقيا وده مش كلامي ده ارقامه وبطولاته اللي بتقول كدهّ. بس هو حرام نقول اي حاجه سلبيه علي النادي الاهلي".

وأضاف :" عدلي القيعي والمنيسي بيكدبوني وبيقولو عبدالله السعيد ساعتها كان في الاهلي ساعت المجزرة، وهو انا قولت القاعده قبل المجزره دانا قولت كان فاضلنا سنه كامله في عقدنا، وبعدين قال كان في وفره في مركز الباك لفت ومش محتاجين حد رغم ذلك راحو دفعوا الشرط الجزائي لشديد قناوي وراح الاهلي، وبيقول اني كنت رايح فرنسا وكاتب بند ارجع ع الاهلي ده اصلا قبل الموقف ده ب ٨ سنين بمناسبه اني عايز اركب تريند ده مش اول مره الموضوع ده يتقال".

وتابع :" كريم حسن شحاته قاله قبل كده بس من غير ميقول اسم كابتن حازم الهواري وعشان اريحكوا طب كابتن حازم عايش ممكن تسألوه، وبرضه قولت قبل كده أن الاهلي السنادي قوي عشان كده عايز يلعب مباراه الزمالك في معادها متتغيرش، طب السنه اللي فاتت الاهلي كان سيء الدور الاول ومرضيش يلعب ضد بيراميدز وكذا فريق ولعب قصاد فرق من الدور التاني رغم ان الدور الاول في ماتشات كتير.. ده كل الحوار والله العظيم كل حاجه قولتها في الحلقه حصل بس في ناس بتشوف ان الغلط عندها مستحيل ودي اخر مره هتكلم في الحوار ده".

وأختتم تصريحاته قائلا :"معلومه انا اصلا ابن الاهلي وبحبه جدا بس بشجع الاسماعيلي والله الموضوع ملوش علاقه بالميول".