شاهد| حارس الإسماعيلي يفتح النار على الجهاز الفني

رفض محمد فوزي، حارس مرمى الفريق الأول لكرة القدم بالنادي الإسماعيلي، تنفيذ قرار الجهاز الفني بقيادة الصربي ميودراج يسيتش، بشأن خوض تدريبات منفردة هو وزميله بالفريق عماد حمدي، بداية من يوم السبت المقبل.


وكان محمد فوزي وعماد حمدي، قد غادرا معسكر الاسماعيلي أول امس الثلاثاء، بعد علمهما بخروجهما من التشكيل الاساسي للفريق خلال مباراة الجزيرة الاماراتي، التي اقيمت امس الاربعاء، في ذهاب دور ال16 من البطولة العربية، والتي انتهت بفوز الدراويش بهدفين نظيفين.



وقال فوزي، على صفحته الشخصبة عبر موقع التواصل الاجتماعي "فيس بوك":"يعني شوف الافترى، لسه ربنا كرمنا وكسبنا الحمد لله، يتصلوا بيا يقولولي أنت وعماد، تمرين السبت، لوحدكم والفريق حصل على اسبوع اجازة، طب ليه قرار طب مع مين مش عارفين، طيب يا كابتن عاوز تعقدني طيب والله العظيم ما هتمرن غير مع الفريق، ولو مش هلعب كوره تاني علشان أنا ماجرمتش وأنت عاوز توصلني لكده اديني وصلت، ولو هشحت".


وأضاف:"النادي الاسماعيلي مش بيقف علي حد وحسبي الله ونعم الوكيل فيك تالت، وعند بعند بقي علشان معرفش مالكم بيا من أول الموسم وعاوزين تكرهوا الناس فيا، ويقولوا بتاع مشاكل وربنا يعلم إللي الواحد فيه، علشان تؤذي الواحد كده في اكل عيشه متفتروش علشان ربنا يكرم في إللي جاي"ّ


وتابع:"جمهور الاسماعيلي علي دماغي والمهندس إبراهيم عثمان، رئيس النادي علي دماغي بس أنا اتعقدت من إللي بيحصلي، ومش قادر ومش طالب غير أني اتمرن مع الفريق ده حقي علشان معملتش حاجه علشان العند... ويلا خليني اتدمر خالص علشان تستريح"ّ


وأردف:"إنشاء الله ربنا هو إللي عالم بكل حاجه الواحد كان بيموت نفسه الموسم الماضي، في ثانيه كل حاجه اتنست لمجرد أني كنت مش موفق في ماتش في أول الموسم، يلا الحمد لله وربنا موجود ومش عاوز حد يزعل مني اعتبرني ابنك أو اخوك، وواحد واقفله في لقمه عيشه أو حط نفسك مكاني هتحس بالي أنا حسه".