رضا عبد العال: أجيري لازم يتعالج واتحاد الكرة عايز "سمكري"

هاجم رضا عبد العال نجم الأهلي والزمالك السابق اتحاد الكرة بعد خروج مصر من كأس أمم إفريقيا عقب الهزيمة من جنوب إفريقيا بهدف دون رد في دور الستة عشر.

قال رضا عبد العال في تصريحات إذاعية عبر اون سبورت: "خروج مصر طبيعي مش عارف الناس ليه مفاجئة أجيري ده لازم يتعالج التغيير الأخير بدخول وليد سليمان بدلا من النني ده بيؤكد إنه في حاجة في دماغه مش طبيعية

أضاف خروج النني فضي نص الملعب تماما والناس بتاعة جنوب إفريقيا كانت ممكن تخلص الماتش سبعة لولا ستر ربنا

واختتم: اتحاد الكورة كلهم فشلة وهذه هي النهاية الطبيعية لهم عايزين سمكري يظبط الدنيا عندهم عشان يفوقوا ويعرفوا ان اسم مصر كبير عليهم