أمير مرتضى منصور يرشح ثلاثي الأهلي لإدارة اتحاد الكرة

رشح أمير مرتضي منصور، المشرف العام على فريق كرة القدم في نادي الزمالك، بعض الشخصيات لإدارة ملف الكرة في مصر، من بينهم ثلاثي الأهلي السابق، عماد متعب، ومحمد فضل، وحسام غالي، بعد استقاله مجلس إدارة الجبلاية.

وكتب أمير عبر صفحته الشخصية على موقع التواصل الاجتماعي "تويتر":"‏الكرة وكيفية ادارتها اصبحت صناعة واستثمار وعلم،،لما نبطل نختار من برة دائرة الكابتن والحاج والبشمهندس والأعلامي والألقاب اللي ملهاش اي علاقة بكرة القدم هنتطور،مش معنى انك كنت نجم وموهوب في كرة القدم انك هتبقى نجم وموهوب في الادارة او التدريب لازم تتعب وتتعلم من الصفر".

وتابع:"‏خلاصة الموضوع في ناس كويسة تعبت واجتهدت في اتحاد الكرة وفي ناس فاسدة او جاهلة دورت على مصالحها مش لازم نهدم المعبد على اللي فيه.. نستفيد ونطهر ونغير دخلوا شباب مثقف ودارس مع الخبرات الموجودة وهيكسروا الدنيا،انفنتينو رئيس الاتحاد الدولي محامي ٤٩ سنة وملعبش كرة بس درسها".

واضافخ:"محمد فضل وميدو وحازم امام واحمد عبدالله وهيثم فاروق ويحيى نبيل ومحمد زيدان وحسام غالي وعماد متعب واحمد حسن ومحمد شوقي وغيرهم كوادر عندهم مقومات يديروا الكرة في مصر بشرط ان يتم إعدادهم بشكل علمي يسافروا ويذاكروا ويتعلموا،لكن كفاية الأسماء اللي مبتتغيرش من ٢٠ سنة".