شاهد| كلاكيت تاني مرة.. ضرب مصور صحفي في الزمالك

تعرض الزميل سيد حسن المصور الصحفي بموقع فيتو، للاعتداء من قبل أمن نادي الزمالك، أثناء تأدية عمله عصر اليوم، وتصوير عملية توزيع تذاكر إياب نهائي الكونفدرالية الإفريقية.

وكتب حسن، عبر صفحته الشخصية على موقع التواصل الاجتماعي "فيس بوك":"من شوية كنت بصور توزيع تذاكر مباراه الزمالك ونهضة بركان ف نادي الزمالك جالي مصور الفيديو بتاع مرتضى بيخرجني بره ويكلمني بطريقه وحشه قولتله انا مصور صحفي ومش هخرج قالي هات كارنيهك مردتش اديهوله وقولتله تشوفه وهو ف ايدي زقني ومشي".

وتابع:" وبعتلي بتاع الأمن جه بيخرجني قولتله انا مصور صحفي قالي ممكن الكارنيه وكان بيتكلم بكل ذوق واحترام شاف الكارنيه وخدته ومشي خطوتين بس مصور الفيديو قاله هو دا رجع تاني بيزقني وبيقولي اخرج بره زقيته وقولتله مش خارج قالي تعالي نروح للمستشار وبيحط ايده على كتفي نزلت ايده وقولتله متحطش ايدك عليا".

وأضاف:"روحنا لمرتضي لسه بعرفه بنفسي وبوريله الكارنيه خطفه من ايدي وحطه ف جيبه وقالهم خرجوه بره وفضلوا يزقوني وساعتي اتكسرت وخرجوني بره النادي".