أول تعليق لمرتضي منصور بعد خسارة الزمالك من نهضة بركان

تحدث مرتضي منصور رئيس نادي الزمالك، عن خسارة فريقه بذهاب نهائي الكونفدرالية اليوم أمام نهضة بركان المغربي.

وقال رئيس الزمالك في تصريحات لقناة المحور:" نهضة بركان اتكشف انهاردة.. هو ده الفريق اللي كسب الصفاقسي ؟".

وأضاف:" أنا هطق.. انا متحمل جروس لغاية الأحد اللي جاي، قاعد بيلعب في مناخيره على الخط".

وواصل:" كسبنا جول عملاق اسمه عمر صلاح والحكم مظلمش الزمالك لكن لينا ضربة جزاء والحكم مشافش الفار".

وأختتم:" الجهاز الإداري عندنا ملهوش لازمة، وجنش السبب في اللي بيحصل في الإنذارات عشان شافوا اللي عمله في الماتش اللي فات".

وكان الزمالك خسر من نهضة بركان المغربي بهدف دون رد سجله لابا كودجو في الدقيقة الثالثة من الوقت بدل الضائع، في ذهاب نهائي الكونفدرالية الإفريقية.