شاهد| رئيس سموحة يهاجم مسؤول سابق بالنادي ببيان ناري

هاجم المهندس فرج عامر رئيس نادي سموحة السكندري فتحي عبدون رئيس قطاع الناشئين السابق بالنادي.

ووجّه مجلس إدارة نادي سموحة، الشكر لفتحي عبدون، منذ ايام على الفترة التي قضاها مع الفريق السكندري.

البيان الهجومي من فرج عامر:-

" الكابتن فتحي عبدون كتب عن لاعبين رياضيين ولاعبين دخلوا النادي سواء بفلوس اوغير فلوس وشلل في كرة القدم ومدربين مابتعملش حاجة وناس مسيطرة عليهم ووسايط في قطاع الناشئين وخلافة انا بس بسألة سؤال امال احنا كنا جايبينك لية ؟ وقعدت ٦ شهور بتعمل اية ؟ ومين اللي كان قاعد مع المدربين دول وسايب لهم نفسة طول النهار في رمانة ياكل ويشرب علي حسابهم ولماذا لم تصلح ؟واعتقد ان استمرار هذة الاسباب هي التي جعلتنا نقول لك شكرا ومين اللي سافر شهر وكتب انة متواجد وقبل علي نفسة يقبض مرتبة ومين اللي كل شوية عايز مكافات ونقولة مفيش ويطلب تذاكر طيران ومين اللي مابيعملش حاجة خالص وكل مانطلب منة بيان يقول بكرة ومين اللي مش عارف بعمل اختبارات ويقول بعد العيد ومين اللي خايف يعمل تصنيف وعايز تزاكر طيران ونقول مفيش ومين اللي فاشل في تدريب الناشئين وعايز يمسك الفريق الاول ولذلك طلبنا تغيير نظام ناشئين كرة القدم في سموحة واتخذت القرار فورا وكتبت قطاع كرة القدم ليس اكل عيش وسوف احاسب جميع المخطئين واللي عايز يعرف اكتر انا عندي كل التفاصيل الحقيقية ومين اللي قعد يتمسح علشان نرجعة تاني وكل هذة الموضوعات قيد التحقيق ".