محمد نصر يوجه رسالة نارية لجمهور الأهلي ويحذر من حروب الجيل الرابع

وجه المخرج التلفزيوني محمد نصر المعروف بإنتمائه الشديد للنادي الأهلي، رسالة لجماهير الأحمر تعليقا علي الأحداث الحالية.

ونشر نصر منشور كبير علي صفحته الرسمية علي فيسبوك كاتبًا فيه ما يلي:-
" ياسلام..الاهلى بيقرب من دورى شبه مستحيل انه كان ينافس عليه اساسا وفى ظل جو المؤمرات والاشاعات وضرب فى المليان وإصابات تجيب الغثيان وضخ مليارات مش ملايين المهم الدورى ده بالذات الاهلى وجماهيره يتفرجوا عليه بس..

ولما الاهلى يقرب من اهم واغلى واخطر بطولة دورى نلاقى جماهيره مستسلمة لحروب الجيل الرابع على السوشيال ميديا (( رينارد جاى وصور تذكارية لنجوم فى المجلس تثير الناس والتاجيلات بالامر و٨ دقايق وقت ضايع ليه والحكام معاكم وفنان كبير يخبط وصحفيين كبار نازلة احباط فى الاهلى والشحات لازم يمشى وازارو لازم يتقتل واحمد فتحى رافض التجديد وهو مموت نفسه علشان الاهلى اساسا..ولسة الحرب الكلامية كبيرة))

وطبعا الجماهير نازلة خبط فى مجلس الادارة وخبط فى بعض وتخوين بعض ونسيت الفريق خالص وافتكرت صورة عضو المجلس وهو تقريبا تفسيرى هو انه بيرجع الساعات على السحور علشان ده شهر رمضان والرولكس حرام مع ان المجلس كله مليارديرات مش محتاجين يعنى ولا هى بجاحة من البعض مش الكل وهما عارفين نفسهم عموما ياريت وده رجاء من واحد شايف الصورة من بعيد (( نستنى الدورى يتحسم وتاخدوا حقكم تالت متلت منهم ))لكن الجماهير شغالة ضرب فى بعض والفريق فى اشد الاحتياج لجماهيره المطلوب تشتيتهم طالما البطولة بتقرب ومش عارفين نوقف الاهلى كورة يبقى نوقفه بالسوشيال احد حروب الجيل الرابع كرويا واللعيبة تتاثر والدنيا تخرب والفريق يقع ويبقى ده المطلوب


للاسف معظم الجمهور على السوشيال صغار السن وعندهم اندفاع وعشق للكيان وحيتجننوا من الى بيشوفوه وخايفين عليه اكتر من الكبار لكن الاندفاع ده مش مطلوب دلوقتى خالص

صدقونى انتم الخنجر الى بيتجهز بدون ماتشعروا والى حيضرب بيه فريق الكورة علشان يخسر الدورى

هما ٤ ماتشات لان انتم الى حتكونوا ابطال الدورى مش الفريق لانه لولا انتم ماقام الفريق ده على رجليه ورجعت لهم روح الابطال من جديد.. بس اصبروا واحنا فى شهر رمضان انتم صايمين وان شاء الله الحساب يجمع. "