فيديو| فرج عامر: "الأهلي بيتغلب بالـ5 في أفريقيا علشان مفيش حكام"

شن محمد فرج عامر، رئيس نادي سموحة، هجومًا ناريًا على منظومة الكرة المصرية وعلى النادي الأهلي وحكم اللقاء، عقب خسارته القاتل من الفريق الأحمر مساء السبت بهدف قاتل في الدقيقة 98، معتبرًا أن الحكم احتسب وقتًا إضافيًا زائدًا.

وقال في تصريحات لبرنامج "الماتش"، المذاع عبر شاشة صدى البلد، مساء السبت: "محدش يقولي هارد لاك، أنا كاتب السيناريو اللي حصل ده الصبح، إحنا معندناش كورة في مصر".

وتابع: "اتجدعن في أفريقيا وورينا مستواك، أنت بتتغلب في أفريقيا بالخمسة صفر علشان مفيش حكام، الله يخربيت اللي بوظ الكورة في مصر".

وأكمل: "دي مش رياضة ولا كورة، حارس المرمى مضروب وواقع ومع ذلك المباراة تم استئنافها".

واستطرد: "اللاعب الاحتياطي في فريق الأهلي قد فريقي مرتين ونصف، ربنا اسمه العدل والحق، امتى هيكون عندنا عدل وحق في الرياضة، بعد يومين او تلاتة الناس هتنسى خلاص".