حسام حسن بعد الخسارة من الأهلي: حسبي الله ونعم الوكيل

هاجم حسام حسن المدير الفني لسموحة التحكيم المصري عقب الخسارة من الأهلي بهدف دون رد، في لقاء شهد فضيحة تحكيمية لمحمد أمين عمر الذي احتسب 7 دقائق وقت بدل ضائع، وسجل الأهلي هدف الفوز في الدقيقة الثامنة.
قال حسام حسن في المؤتمر الصحفي عقب اللقاء: "حسبي الله ونعم الوكيل، حرام اللي بيحصل في الكورة في مصر، طول ما الأهلي موجود في مصر هنرجع لورا، فين العدل، لما تتعمد تحسب 10 دقايق وقت بدل ضائع عشان الأهلي يجيب الجون، ده حق ربنا في رمضان؟".
أضاف: "اللي حصل انهاردة من التحكيم مضيعش مجهود سموحة بس، ضيع مجهود لاعيبة وجهاز فني، وإدارة، هنفضل ممشيين الدنيا بالأسماء، هنفضل نساعد الأهلي خلاص يا جماعة نلغي البطولة ونعمل مسابقة مصغرة مادام النهاية معروفة".
اختتم: "عمالين نتشتم من اول الماتش، وبنضرب بالازاير ومحدش اتكلم، فين التحكيم وفين مراقب المباراة من اللي حصل".