فيديو| شاهد تعليق ناري من عمرو أديب على هزيمة الأهلي بالـ5

علق الإعلامي عمرو أديب، على هزيمة الأهلي الثقيلة أمام صن داونز الجنوب أفريقي بخماسية نظيفة، في ذهاب دور الـ8 لدوري أبطال أفريقيا، مساء السبت.

وقال خلال تقديمه برنامج "الحكاية"، المذاع عبر قناة "mbc مصر"، مساء السبت: "إيه المشكلة إن الأهلي يتهزم 5 صفر، البرازيل اتغلبت 7 على أرضها وهي من أهم فرق العالم".

واستطرد: "يحدث إن الفريق لا يكون في يومه، لكن نستغرب إن الأهلاوية بيرفضوا حد يكلمهم!، والرموز الأهلاوية لما اتغلبنا من نفس الفرقة قالوا تعالوا اسألونا ماتشات أفريقيا بتتلعب إزاي!".

وأكمل: "بعد هزيمة الأهلي، مفيش دعابة ولقطات من الأفلام، لما الزمالك يتغلب بناخد كل حاجة بصدر مفتوح ولما هم يتغلبوا يقفلوا التويتر ويقولك محدش يكلمنا".

واستطرد: "إيه علاقة مصر بالأهلي، ليه يقولك مصر عمرها ما تتكسر وإن مصر أكبر من كده، هي مصر مالها؟ دا نادي كورة والأهلي والزمالك يتغلبوا عادي ليه مكبرين الحكاية؟".

وقال إن الأهلي يمكنه الفوز في الذهاب كما فعلها برشلونة من قبل بالهزمية بنتيجة ثقيلة ذهابًا والتعويض إيابًا، مضيفًا أنه لم يكن يشجع الفريق الجنوب أفريقي، لكن على البعض "النزول لتحت شوية"، لأنهم بذلك يربوا أجيالًا لا تقبل الهزيمة، بينما من المفترض ان يتربوا على إمكانية العودة.

واستطرد ممازحًا جمهور الأهلي: "مفيش مشكلة تكسبوا 1 أو 2 أو 3 أو 4 صفر، وتخرجوا عادي جدًا، ولو كسبتم 6 مفيش مشكلة برضة".